'Daging' - Part I [N9version 1.0]

Post kali ni eden nak karang dlm loghat nogori 9..

korang paham ko tak..lantak ekaurang.. podulik hapo den~

Apo yg den nak merapik kali ni adolah tontang ‘daging’..

Daging la..yg org buek mantai time nak poso tu…time nak ghayo pun samo lah..

Tp..den bukan nak cito pasal daging mantai tu..tp..den nak cito pasal sekotol daging yg diam eh dlm tubuh badan tiap2 kojadian Tuhan yg b’nyawo..tp, kek cni, den spesipik an kpd manusio cam kito ni la..sekotol daging yg den maksud an tu adolah ‘hati’ atau dlm bahaso arab eh ‘Qalbu’..(den blaja maso skolah marin..peh2 kek U blaja lg..hhehe)

Apo yg istimewo bona hati ni?

Kek hati ni la bermulo eh apo2 sajo yg kito nak buek.. apo sajo yg kito nak buek,mosti t’dotik kek hati kito dulu..kiro mcm niat la tu..nak sembhyang pun kono niat dlm hati kan..pendek kato..segalo eh pokok dek hati kito..sumo eh b’mulo kek hati. Lopeh tu, baru lah akal mulo bkojo..pkir baik buruk eh, porlu x porlu eh satu2 perkaro tu..sumo2 eh la..

Ok, skrg kito smpai pado point sotoruih eh.

Sumo org dh tau..kek hati yg kocik tu la tosimpan eh segalo prasaan kito..

marah,suko,sodih,gembiro sumo eh la..tp dlm2 byk2 prasaan tu…

(Abih takkan nk simpan prasan dlm sondi2 plak..dlm usus bosar lg la x buleh..

Itu perasaan nk ‘membuang’..huh!)

ado 1 prasaan tu kito mmg x tau dtg eh dari mano..

sthg org kato..dio x do prasaan tu…tah bilo nak ado eh x tau la…(nnt ado la tu..)

stgh lg plak kato.. dio dah buang prasaan tu jauh2..(apo dbuang plak?? Haissh)

sparuh lg kato..dio mmg sentiaso ado prasaan tu lam hati..mmg x leh nk buang dh..(bahagio2)

sikit lg org kato..dio x raso apo2 pun..(ni org gilo ni..x do prasaan! Huhu)

kdg2 prasaan yg 1 ni lah yg paling korap bwk masalah dlm idup kito..

tau tak apo deh prasaan tu? Konfem2 ekaurang sumo tau.

Yola..masing2 kan dh expert…huhu..pado sapo2 yg x tau tu..lu piker la sndri!!

Kdg2 kito sendri pun x pasti apo makno prasaan tu kan…dtg tibo2 yo..kito x mintak pun..

Kdg2 kito jd keliru plak..boto ko kan? Kdg2 susah nk percayo pun ado.. hahaha~

Tp..den percayo, sapo2 yg ponah dilamun prsaan tu..mmg domam deh sekojap..

tak la paneh badan eh..tp hidup eh domam…makan 3 pggan pun x konyang2..

mandi 3-4 jam,siap berondam lg, pun x basah2…

tido x bongka2 smpai tghari pun x nyonyak eh lai tu doh..

apo ko polik bonar? Smpai cmtu skali..sgalo kojo x jadi…

(ha! Apo yg ekaurang t’songeh2 tu?!!..baco lg..ado sikit lagi)

Jadi..raso2 eh pd sapo2 yg td tu x tau apo prasaan yg den cubo smpai kan ni..

Raso eh2 mcm dah tau kan? Den maleh la nk sobut secaro direct..

Bukan apo..den pun heran..borek lak jari ni nk taip apo deh prasaan tu~

Klau x paham lg..x po..toruih an mmbaco bingkisan den ni smpai habih..

Ni baghu bahagian satu..nnt den smbung lai..bahagian 2..

Sobab eh.. mato den ni pun dh agak kuyu2 cmtu kan…

Niat kek hati esok nak bangun sahur (tgk,nk poso pun niat kek hati ni..)..

Ngantuk bona raso eh..ok lah..raso eh..elok la kito break kek cni dulu..

Kito jumpo lagi dlm ‘Daging – part II’. Selamat Malam~

*post ini telah dikarang pada 11/3/2008 12:47am..dan dipastekan pd hari ini~ =)